Doa Rosario Bahasa Latin
Mystéria Gaudiósa
in feria secunda et sabbato
- Annuntiatiónem Beátæ Maríæ Vírginis
- Visitatiónem Beátæ Maríæ Vírginis
- Nativitátem Dómini nostri Iesu Christi
- Oblatiónem Dómini nostri Iesu Christi
- Inventiónem Dómini nostri Iesu Christi in templo
Mystéria Dolorósa
in feria tertia et feria sexta
- Agóniam Dómini nostri Iesu Christi in horto
- Flagellatiónem Dómini nostri Iesu Christi
- Coronatiónem spinis Dómini nostri Iesu Christi
- Bajulatiónem Crucis
- Crucifixiónem Dómini nostri Iesu Christi
Mystéria Gloriósa
in feria quarta et Dominica
- Resurrectiónem Dómini nostri Iesu Christi a mórtuis
- Ascensiónem Dómini nostri Iesu Christi in cáelum
- Missiónem Spíritus Sancti in discípulos
- Assumptiónem Beátæ Maríæ Vírginis in cáelum
- Coronatiónem Beátæ Maríæ Vírginis in cáelum
Mystéria Luminósa
in feria quinta
- Baptísma apud Iordánem
- Autorevelátio apud Cananénse matrimónium
- Regni Dei proclamátio coniúncta cum invitaménto ad conversiónem
- Transfigurátio
- Eucharístiæ Institútio
Signum Crucis
In nómine Patris et Fílii et Spíritus Sancti. Amen.
Credo
Credo in Deum Patrem omnipoténtem,
Creatorem cæli et terræ,
et in Iesum Christum, Filium Eius unicum,
Dominum nostrum,
qui concéptus est de Spíritu Sancto,
natus ex Maria Virgine,
passus sub Póntio Piláto,
crucifixus, mórtuus, et sepúltus,
descéndit ad ínferos,
tértia die resurréxit a mórtuis,
ascéndit ad cælos,
sedet ad déxteram Dei Patris omnipoténtis,
inde ventúrus est iudicáre vivos et mórtuos.
Et in Spíritum Sanctum,
sanctam Ecclésiam cathólicam,
sanctórum communiónem,
remissiónem peccatórum,
carnis resurrectiónem,
vitam ætérnam. Amen.
Pater Noster
Pater noster, qui es in cælis:
sanctificétur Nomen Tuum:
advéniat Regnum Tuum:
fiat volúntas Tua,
sicut in cælo, et in terra.
Panem nostrum
cotidiánum da nobis hódie,
et dimítte nobis débita nostra,
sicut et nos
dimíttimus debitóribus nostris.
et ne nos indúcas in tentatiónem;
sed líbera nos a Malo. Amen.
Ave Maria
Ave, María, grátia plena,
Dóminus tecum.
Benedícta tu in muliéribus,
et benedíctus fructus ventris tui, Iesus.
Sancta María, Mater Dei,
ora pro nobis peccatóribus,
nunc et in hora mortis nostræ.
Amen.
Gloria Patri
Glória Patri
et Fílio
et Spirítui Sancto.
Sicut erat in princípio,
et nunc et semper
et in sæ´cula sæculórum. Amen.
Pada hari Jumat Agung, doa berikut dapat menggantikan Gloria Patri
V. Christus factus est pro nobis oboediens usque ad mortem.
R. Mortem autem crucis.
Pada hari Sabtu Suci, doa berikut dapat menggantikan Gloria Patri
V. Christus factus est pro nobis oboediens usque ad mortem, mortem autem crucis.
R. Propter quod et Deus exaltavit illum: et dedit illi nomen, quod est super omne nomen.
Oratio Fatimae
O mi Iesu,
dimitte nobis debita nostra,
libera nos ab igne inferni,
conduc in caelum omnes animas,
praesertim illas quae maxime
indigent misericordia tua.
Salve Regina
Salve, Regína,
Mater misericórdiæ,
vita, dulcédo et spes nostra, salve.
Ad te clamámus,
éxsules fílii Evæ.
Ad te suspirámus geméntes et flentes
in hac lacrimárum valle.
Eia ergo, advocáta nostra,
illos tuos misericórdes óculos
ad nos convérte.
Et Iesum benedíctum fructum ventris tui,
nobis, post hoc exsílium, osténde.
O clemens, o pia, o dulcis Virgo María!
V. Ora pro nobis, sancta Dei génetrix.
R. Ut digni efficiámur promissiónibus Christi.
Orémus.
Deus, cuius Unigénitus per vitam,
mortem et resurrectiónem suam
nobis salútis ætérnæ
præmia comparávit,
concéde, quæsumus:
ut hæc mystéria sacratíssimo
beátæ Maríæ Vírginis
Rosário recoléntes,
et imitémur quod cóntinent,
et quod promíttunt assequámur.
Per Christum Dóminum nostrum.
Amen.